Me anë të një postimi në rrjetet sociale zv.kryeministri Erion Braçe kërkon nga mediat greke që të kërkojnë falje për baltën që kanë hedhur mbi shqiptarët lidhur me vrasjen e 20-vjeçares Caroline, nga bashkëshorti i saj. Braçe i cilëson redaksitë e mediave greke si të mbushura me steriotipe me bazë etnike dhe vazhdon më tej duke thënë se një pjesë e mirë e tyre janë të mbushura me racistë. Ai shkruan se ndjen shumë keqardhje për këtë fenomen dhe thekson se krimi është njësoj pavarësisht pasaportave.
Kujtojmë se ditën e djeshme u zbulua se 20-vjeçarja britanike ishte vrarë nga bashkëshorti i saj dhe jo nga banda shqiptare siç pretendohej nga mediat greke.
Postimi i plotë i Braçes:
Pra; CAROLINEN NUK E KA VRARE NJE SHQIPTAR! AS NJE BANDE SHQIPTARESH DHE, AS NJE BANDE ROMESH NGA SHQIPERIA, “ATA QE KRYEJNE KRIME TE PERBINDSHME NE VENDIN FQINJE”! Prej dites kur u njoftua krimi makaber, ores, oreve e diteve qe pasuan, mbushur me lajme te medias greke se “vrasesit jane shqiptare”, “vrasesit folen gjuhe te perafert me shqipen”, “vrasesit mund te jene nje bande romesh nga Shqiperia qe vjedhin e pasojne me krime te perbindshme”, kam uruar te mos jete e vertete!
E VERTETA DOLI NE DRITE TE DIELLIT DHE VRASESI NUK ESHTE NJE SHQIPTAR, AS SHUME TE TILLE!
Ndaj sot, te gjitha agjensite ligjzbatuese greke, meritojne nje duartrokitje te madhe per punen, profesionalizmin, kembenguljen per ti shkuar krimit deri ne fund, zbardhjen dhe arrestimin e autorit te nje krimi te perbindshem!
Po media greke?
Ah media greke e mbytur nga steriotipet me baze etnike e nje pjese edhe rraciste, duhet te bej nje hap pas e te kerkoj ndjese;
Per jave te tera vuri shqiptaret ne shenjester, madje nje pjese i shpalli fajtore, jo vetem qe nuk ndihmoi hetimin por i mori kohe hetimit duke e shtyre e vene nen presion me nje piste te paqene, te rreme, te pavertete!
I keqardhur pafund per kete!
Krimi nuk ka komb, as kombesi!
Krimineli eshte njesoj i tille pavaresisht pasaportes, pasaportave;
Duhet trajtuar njesoj, sipas ligjit e me ashpersine qe buron prej tij;
Agjensite tona ligjzbatuese duhet te jene edhe me afer, te bashkepunojne edhe me fort, intesivisht per ti bere kufijte e vendet tona edhe me te sigurta, duke ju ofruar qytetareve tane paqe e qetesi!
