Përplasje në kabinetin e qeverisë “Rama” për bastet sportive. Miku i kryemnistrit Rama, deputeti Fidel Ylli ka propozuar hapjen e basteve sportive dhe fitimet t’i jepen Federatës së Futbollit. Kundërshton zëvendës-kryeministri, Erion Braçe, i cili e ka hedhur poshtë mundësinë që të lejohet hapja sërish e basteve sportive.
Duke folur nga studio e emisionit “Përballë”, Brace u shpreh se, nëse bastet sportive hapen, ai nuk do të jetë në qeveri.
“Kemi lejuar që këto kazino të jenë në hotele me 5 yje, vetëm atje. Pra ligji i 2018 kur u mbyllën lojërat e fatit apo bastet me ligjin e 2018 ka lënë veç këtë me kërkesë të ministrit të ekonomisë së asaj kohe që shihte fluksin e investimeve në struktura hoteliere në vijën bregdetare apo edhe në qytete të mëdha siç është Tirana. Vetëm këtu, po nuk di unë që qeveria të ketë diskutuar që pas mbylljes. Tani mua më vjen keq, po nëse do të ketë kthim prapa, unë nuk jam më në qeveri,”-tha Braçe.
/GazetaReforma.com/
