Bosit famëkeq të drogës, El Chapo duket se i erdhi fundi.
Meksikani është shpallur fajtor për të gjitha akuzat e ngritura nga Gjykata e New York për trafik droge dhe sipas vendimit, El Chapo do t’i ngrysi gjithë ditët e mbetura të jetës pas hekurave në një burg në Shtetet e Bashkuara.
Trafikanti i drogës, emri i vërtet i të cilit është Joaquin Guzman, është dënuar për të 10-a akuzat e paraqitura këtë të martë në gjykatë dhe pas gjashtë ditësh diskutimesh është marrë edhe vendimi përfundimtar.
Akuzat përfshinin që nga trafiku i drogës, e deri tek angazhimi në ndërmarrje kriminale, pastrim parash dhe përdorimi i armëve të zjarrit.
Në sallën e gjyqit e pranishme ka qenë edhe ish-bashkëshortja e tij, 29-vjeçarja, Emma Coronel Aispuro, e cila është prekur gjatë dhënies së vendimit për El Chapo-n.
Madje ka ndodhur edhe një shkëmbim i këndshëm mes tyre, ku pas përfundimit të leximit të aktgjykimit, ai është kthyer dhe e ka parë atë në sy dhe i ka dërguar një puthje nga larg, ndërkohë që bukuroshja Emma i ka buzëqeshur me sytë e mbushur me lot dhe i ka ngritur dy gishtat e mëdhenj, në formë dakordësie.
Megjithatë u duk se vendimi nuk e preku shumë bosin e drogës, pasi gjatë dhënies së vendimit dukej moskokëçarës dhe aspak i fokusuar.
