Një komb, dy standarde ekonomike! Kështu mund të themi për Shqipërinë dhe Kosovën. Së fundmi qeveritë përkatëse kanë publikuar shifrat se sa % e buxhetit të shtetit do të shkojë bonus për pencionistët.
Qeveria e Kosovës ka miratuar bonusin prej 100 eurosh për të gjithë pensionistët dhe fëmijët si pjesë e shpërblimit për festat e fundvitit. Ndërsa qeveria shqiptare u dha shumën prej 5 mijë lekësh, për rreth 700 mijë pensionistë, por edhe kategori të tjera, që përfitojnë trajtime financiare. Ishte Albin Kuti ai që dha më shumë detaje për këtë shpërblim të fundvitit.
“Prandaj, për të gjithë pensionistët, këtë fundvit, me qëllim të lehtësimit të kostos së jetesës, për këtë kategori të cenueshme, do të miratojmë shtesën e njëhershme prej 100 euro, përvec pensionit të rregullt mujor që marrin. Kam kënaqësinë që sot do të miratojmë një vendim i cili përmbushë një premtim tonin të radhës. Është fjala për subvencionimin e të gjithë fëmijëve, bazuar në të ardhurat e familjes”, u shpreh Kurti.
Kujtojmë se në buxhetin e 2024 në Shqipëri, për indeksimin e pensioneve janë parashikuar 4.1 miliardë lekë dhe 3.6 miliardë lekë për bonusin e fundvitit për pensionistët.
Edhe kur qeveria jonë kujtohet për pencionistët nuk është e mjaftuehsme, pencionet janë të ulëta dhe të pamjaftueshme për nevojat e tyre. Madje në Shqipëri ende nuk ka një standard të minimumit jetik të vendosur me ligj, në mënyrë që pagat, pencionet, ndihma sociale apo bursat e studentëve të mos jenë më poshtë se një x shumë e caktuar si minimum jetik.
