Boksieri shqiptar nga Kumanova, Astrit Sejdi, ka goditur dje në mes të Zyrihut djalin e kriminelit serb të njohur si Arkan.
Ngjarja u bë publike nga ish-deputeti Azgan Haklaj, i cili tregoi se rrahja ndodhi rreth orës 17:25.
Sipas Haklajt, Astrit Sejdi u përball me djalin e Arkanit dhe, pasi pa portretin e Arkanit dhe Putinit në bluzën e tij, nuk arriti të qëndronte indiferent dhe e përplasën me forcë.
“Boksieri i talentuar e goditi atë me një goditje të fuqishme, sikur të ishte një buldozer. Tani, Astriti sapo ka dalë nga stacioni policor dhe është mirë,” shkruan Haklaj.
Arkani, emri i vërtetë i të cilit ishte Željko Ražnatović, ishte një figurë e njohur ushtarake dhe kriminale serbe gjatë viteve 1990. Ai udhëhoqi “Tigrat e Arkanit”, një forcë paramilitare serbe që veproi në luftërat në Kroaci, Bosnjë dhe Kosovë.
I akuzuar për krime lufte që përfshinin vrasje, dëbime masive dhe mizori ndaj civilëve jo-serbë, Arkani ishte gjithashtu i përfshirë në aktivitete kriminale si vjedhje, grabitje bankash dhe kontrabandë.
Në janar të vitit 2000, në moshën 47-vjeçare, Arkani u vra në një atentat në hotelin “InterContinental” në Beograd. Gjatë një takimi me miqtë e tij, një person i afrohet dhe hap zjarr me pistoletë gjysmë automatik në distancë të afërt, duke e plagosur fatalisht në sy. Ai ndërroi jetë gjatë transportit për në spital.
