Boksieri shqiptar, Florian Marku ka triumfuar ndaj kundërshtarit të tij ukrainas, Maxim Prodan, në ndeshjen që u zhvillua për plot 10 raunde. Përballja ishte në kuadër të kategorisë “walterwight”, një kategori në mes të asaj të lehtë dhe të mesme
Ndeshja ishte shumë e fortë dhe dueli u duk i barabartë që në nisje, ku raundi i parë rezultoi një test për të dy boksierët. Në raundin e dytë pati më shumë aksin, ndërsa në të tretin, Marku ia doli ta rrëzojë një herë kundërshtarin, por që nuk u llogarit ‘knockdoën’.
Në përfundim të 10 raundeve, gjyqtarët vendosën që t’i japin fitoren boksierit shqiptar, e cila është një arritje e madhe në karrierën e tij.
Ndërkohë, pas fitores kanë ardhur edhe reagimet e para nga politika. Presidenti Ilir Meta dhe kreu i PD, Lulzim Basha e kanë uruar Markun për triumfin.
“Triumf i jashtëzakonshëm i Florian Markut, që sot u ngjit në maja botërore!
Bravo shqipe”, shkruan Basha në një postim në Instagram.
“Një sukses i jashtëzakonshëm për boksin tonë profesionist, Florian Marku shpallet kampion bote në IBFI! Urimet më të ngrohta dhe gjithmonë paraqitje të shkëlqyera në ring! Krenohemi me Florianin!”, shkruan presidenti Meta në Facebook.
Ndërkohë, pas ndeshjes ka folur edhe vetë Florian Marku, i cili ka thënë se ka sakrifikuar shumë për këtë sport. Ai tregoi se së shpejti do të bëhet baba dhe tha se do të bëjë gjithçka për familjen e tij.
