Byroja e Kuvendit ka përjashtuar me 10 ditë nga seancat plenare deputetin e PD Edi Paloka.
Vendimi i Byrosë ka ardhur pasi Paloka i hodhi bojë në fytyrë kryeministrit Edi Rama.
Reagimi i Palokës ka ardhur pas fjalës së Bashës, si dhe replikës së Ramës.
Kujtojmë se i pranishëm në seancë ishte dhe kreu i kuvendit të Maqedonisë, Talat Xhaferi.
Kryeministri i kërkoi falje Talat Xhaferit për sjelljen e Bashës, duke e quajtur “fëmijë, që nuk di çfarë bën dhe çfarë flet”.
“Ju kërkoj ndjesë për këtë shkelje të kodit të mikpritjes, por fëmiu që sapo foli jo vetëm që nuk i mendon ato që thotë por nuk di edhe çfarë thotë”, tha Rama që solli irritimin e deputeteve të opozitës.
