Këtë të premte siç u paralajmërua edhe në seancën e djeshme parlamentare nënkryetari i PD-së, Luçiano Boçi dhe deputetja Albana Vokshi dorëzuan në Kryesinë e Kuvendit kërkesën për ngritjen e një komisioni hetimor për çështjen McGonigal dhe përfshirjen e Ramës në të. Boçi u shrpeh se Rama s’do shpëtojë kësaj radhe dhe do përgjigjet para komisionit. Çështja McGonigal dhe përmendja e emrit të kryeministrit shqiptar në dosje është kthyer në një mollë sherri midis mazhorancës dhe opozitë. Kjo e fundit ka paralajmëruar një protestë kombëtare më 12 shkurt pikërisht për këtë çështje, e cila do të mbahet para kryeministrisë.
“Kemi firmosur 45 deputetë për të ngritur komisionin hetimor që të nxjerrim Ramën nga vrima e kamares. Jo vetëm komisioni do e nxjerr nga kamaria, por dhe protesta e 11 shkurtit. Rregullorja e përcakton qartë se kur ¼ e deputetëve kërkojnë ngritjen e komisionit, është detyrim që të ngrihet. Rama ka harxhuar taksat e shqiptarëve. S’do shpëtojë kësaj radhe. Ai do vijë në Komision Hetimor si ‘çeço’ dhe do përgjigjet. Ky komision do marrë detajet dhe do kërkojë të gjitha takimet e Ramës dhe skandalin e tij për të korruptuar institucionet e qeverisë amerikane, me qëllim goditjen e sistemit të pluralizimit në Shqipëri, dhe opozitës. Gjithçka do kthehet në bumerang”, tha Boçi.
