Përgjatë seancës së sotme plenare deputetja e Partisë Demokratikë Ina Zhupa foli mbi Kartën e Studentit.
Ajo evidentoi faktin se me anë të Kartës së Studentit në rrethe, studentët nuk mund të aksesojnë të njëjtat shërbime si në Tiranë.
Përgjatë interpelancës me ministren e Arsimit, Zhupa u shpreh se nuk ofrohen shërbime, që realisht mund t’u vijnë në ndihmë studentëve.
Por sipas deputetes me anë të Kartës së Studentit, ofrohen ulje në gjëra të tilla që nuk janë domosdoshmërisht të nevojshme siç janë bluza të reperit Noizy apo kufje të ndryshme.
‘Në vende të tjera nuk ofrohen të njëjtat gjëra siç ofrohen në Tiranë. Në vend që të ishin produkte që do tu vinë në ndihmë nevojave të studentëve janë bluze të Noizy-t, ca kufje nëpër dyqane, nuk janë ato që u kanë kërkuar studentët dhe vlerën që ka karta e studentit.’- tha Zhupa.
Gjithashtu deputetja Ina Zhupa ka kundërshtuar ministren e Arsimit Evis Kushi, teksa në Kuvend është diskutuar ‘Pakti për Universitetin’.
Zhupa tha se gjatë kohës pandemike duhet të kombinoheshin orët e mësimit.
Demokratja u ndal edhe të çështja e plagjaturave në doktoratura dhe temat e diplomave, teksa kërkoi që të bëhej kontroll i rreptësishëm.
“Kanë një shprehje dibranët që thonë “në shtëpinë e të varurit nuk përmendet litari”, kështu që e kam të vështirë të flas me ju për shkak të plagjiaturës. Duhet të kishte përfunduar kontrolli anti plagjiaturë. Në këto 3 vjet, duhet të kishit bërë të gjithë kontrollin anti-plagjiaturë për pedagogët. Duhet të ishte miratuar ligji i ri për kodin e sjelljes si një premtim i marrë nga qeveria Rama për Paktin për Universitetin. Duhet të ishte krijuar arkivi digjital si portal i vetëm dhe ka universitete që doktoraturat i hedhin në faqet e tyre online.
