IDF ka asgjësuar sasi të mëdha ushqimesh dhe artikujsh të tjerë humanitarë, të cilët kishin mbetur për javë të tëra të bllokuara në anën palestineze të pikës kufitare Kerem Shalom.
Për shkak të vonesave dhe temperaturave të larta, këto ndihma kanë humbur afatin e përdorimit dhe janë konsideruar të papërdorshme.
Sipas raportimeve, bëhet fjalë për furnizime që përfshijnë më shumë se 70 kamionë ndihma. Aktualisht, edhe mijëra pako të tjera ndodhen ende në pritje për t’u shpërndarë dhe rrezikojnë të kenë të njëjtin fat nëse nuk hyjnë në Gaza në kohë.
Kjo ngjarje ndodh në një moment kur kriza humanitare në Rripin e Gazës sa vjen e thellohet. Çdo ditë raportohen dhjetëra viktima nga uria, ndërkohë që mungesa e aksesit në ndihma thellon vuajtjet e civilëve.
