Një jaht i huaj me flamurin amerikan në bord, është bllokuar sot në Portin Detar të Vlorës, dhe në të gjendeshin katër shtetas ukrainas.
Sipas policisë kufitare të Vlorës, jahti është bllokuar për arsye se nuk kishte bërë njoftimet përkatëse kur ka hyrë në portin e Vlorës për t’u ankoruar.
Personat të cilët qenë në bord të jahtit, kanë thënë se ju ka mbaruar karburanti prandaj janë detyruar të ankoroheshin në portin më të afërt që kanë pasur pranë.
Policia kufitare dhe kapiteneria e Vlorës nga ana e tyre, kanë deklaruar se po vazhdojnë verifikimet për të vërtetuar deklaratat e personave në bord.
Derisa të kryen verifikimet përkatëse, jahti do të qëndroj i bllokuar në portin e Vlorës.
Sipas deklarimeve paraprake, ata ishin nisur nga Turqia me destinacion Malin e Zi.
/GazetaReforma.com/
