Këtë të mërkurë është presantuar buxheti për vitin 2023 ku kryeministri Rama drklaroi se do të ketë rritje pagash dhr mbështetje për biznesin. Deputeti I PD replikoi duke I quajtur rritjet e pagave dhe pensioneve një gënjeshtër.
“Sot me këtë buxhet është dita më e zezë e fukarallëkut. Fukarrallëku ka dalë si ata me gërnetë dhe def që dali nderë më derë dhe kërkojnë lekë.
Tha kolegia e nderuar që buxheti nuk është thjesht shifër. Jo. Tobestrafkullah buxheti të jetë me shifra, buxheti qenka vetëm politikë. Dakord, atëherë ne po bëjmë politikë. E di si është buxheti juaj, si do t’i lërë shqiptarët këtë vit? Lakuriq me duar në xhep. Kjo do ndodhë me gjithë shqiptarët. Sepse ju gënjeni. Mund të thoni se keni rritur 5 mijë lekë rrogë, ndërkohë që keni rritur vetëm bukën me 500 lekë, pa marrë asnjë produkt tjetër. E di sa janë rrogat në Lushnjë, minimalet nuk i kalojnë 250 mijë lekë të vjetra. Sfidoj gjithsecilin nga ju të marrë një 250 mijë lekëshe ta mbajë në xhep vetëm të hënën dhe të martën se gjithë muajin nuk besoj. Po të vesh të mbash dhe fëmijët, po të kesh një fëmijë në shkollë të lartë, ta sjellësh me qira në Tiranë. Do 700-800 mijë lekë vetëm konvikti, mencat jo e jo. Ju doni të hyni në Europë me çmimet më të shtrenjta në Europa dhe rrogat më mizerabël”, deklaroi Korreshi.
Ai tha më tej se buxheti rrit kostot për çdo profesion të lirë dhe se kjo do i kalojë qytetarëve.
“Ju thoni biznesi, po bëjmë namin, dilni bëni fotografi. Ça biznesi, kostot e biznesit janë trefishuar me këtë energjinë elektrike se ju keni hallin e luftës, t’ia zgjasim apo të mos ia zgjasim Putinit. Biznesi është në ditën e tij më të zezë. Biznesi nuk po gjen punëtore sepse rrogat janë mizerabël, sigurimet ia keni çuar 170 mijë lekë mujore. Në të shumtën e rasteve njerëzit nuk i paguajnë se kanë frikë, më ngelet 50 mijë lekë më shumë nga rroga, të ha bukë. Profesioneve të lira prapë po ia ngulni nga një taksë tjetër, duan dhe ata të shkretët. Ua rrisni avokatëve, përmbaruesve, do iu kalojë njerëzve. Kostot po i rrisni për çdo profesion të lirë. I thoni mbahet gjithë Shqipëria nga biznesi i vogël. Shit njëri kafe dhe merr oriz. Cili është ai biznesi i vogël që përveç të ngrënit bukë vë dy lekë sot mënjanë. Asnjë. Ne atij biznesit të vogël, që ka një dyqan, ia heqim parkingun, që të mos shkojë te ai, por te të mëdhenjtë. Sa të mbajë frymën.
Thoni për moshën e tretë po ndihmojmë, 2 mijë lekë, 3 byrekë. Thatë 1 mld, sa ta marrë vesh ai ka ikur vota. Arsimi, ku janë investimet. Sa degë janë mbyllur të arsimit të lartë. Ne harrojmë t’i kreditojmë universitetet tona, harrojmë që t’i marrim ndonjë lekë”, tha ai.
