Rusia dhe Ukraina janë në faza bisedimesh ndërkohë që lufta po bën 20 ditë që është e hapur.
Negociatori ukrainas Mykhailo Podolyak, është shprehur se pala ruse dhe ajo ukrainase po vijojnë bisedimet e nisura më herët.
“Bisedimet midis Rusisë dhe Ukrainës kanë rifilluar pas një pauze gjatë ditës së hënë”, tha negociatori ukrainas Mykhailo Podolyak. Ndërkohë delegacioni rus dhe ai ukrainas vijojnë raundit e katërt të bisedimeve për të arritur një zgjidhjet të konfliktit mes Rusisë Ukrainës, ndërsa prej 20 ditësh Rusia nuk i ka ndalur bombardimet, ku për pasojë miliona ukrainas janë larguar nga vendi.
Kujtojmë që raketat ruse shkatërruan krejtësisht pistën e aeroportit të Dnjipros, në lindje të Ukrainës, teksa fushata e bombardimeve te pamëshirshme mbi vendin paqësor, vazhdon. E gjithë struktura e aeroportit ka pësuar dëme masive, e ka dalë jashtë funksionit.
Ndërkohë nga ana tjetër presidenti ukrainas Volodymyr Zelensky e shprehu dhe një herë hapur zhgënjimin e tij me NATO-n pas refuzimit të aleancës për të vendosur një zonë ndalim-fluturimi, gjë të cilën perëndimi kërkon ta shmangë për të mos u gjendur në një kurs direkt përplasjeje me Moskën.Gjatë një video-telefonate me kryeministrin britanik Boris Johnson dhe liderë të tjerë europiane, Zelensky tha se NATO ishte “aleanca më e fortë në botë” – por “disa nga anëtarët e kësaj aleance janë të hipnotizuar nga agresioni rus”.
