Pasi pak javë më parë e cilësoi divorcin me gruan e tij si një “gabim të madh”, Bill Gates ka konfirmuar tashmë se është në një lidhje serioze me Paula Hurd.
Ish-çifti i njohur u martua në vitin 1994, ata kishin tre fëmijë dhe pas 27 vitesh martesë, u ndanë në maj të vitit 2021. Prej asaj kohe, Gates, 69 vjeç, është parë shpesh me 62-vjeçaren Paula Hurd, e cila është e veja e ish-CEO të Oracle, Mark Hurd.
Vetëm këtë të martë, miliarderi dhe bashkëthemeluesi i Microsoft-it ka folur hapur për jetën e tij personale gjatë një intervistë në *The Today Show*. Ai tha: “Jam me fat që kam një të dashur serioze, Paula. Po kalojmë kohë të mrekullueshme së bashku, po shkojmë në Lojërat Olimpike dhe po bëjmë shumë gjëra interesante.”
