Bill Clinton, ish-Presidenti i SHBA-ve, ka mbajtur fjalimin e tij të parë në Tiranë, në konferencën e përbashkët me kryeministrin Edi Rama. Gjatë fjalës së tij Clinton u ndal tek situata në veri të Kosovës për të cilën theksoi se tensionimi duhet të marrë fund dhe ti hapet rrugë dialogut.
Ai shtoi se ishte gabim që qeveria e Kosovës zhvilloi zgjedhje e theksoi se situata mund të krijojë përplasje.
“Më keni dhënë një dhuratë edhe thjesht duke më lënë t’ju shoh. Tani kjo kënga që këndohet në të gjithë botën, mund ta dëgjoj, ta ndjej dhe ta shoh edhe kur nuk është…Në fakt kjo është më e shkuar në Shqipëri sesa në çdo vend ku kam qenë. Jeni shpërblyer, ndërkohë që ne do të diskutojmë për gjërat. Ka një mosmarrëveshje që po ndodh në Kosovë, do të doja të mos kishte ndodhur kurrë. Nuk është detyra ime të vendos, por kosovarët i krijuan ato qyteza për serbët, ndaj dhe mendoj se tani kanë bërë një gabim që votuan. Mendoj se është e lehtë për shqiptarët, tashmë shumicë, por gjëja më e rëndësishme është që të përfitojnë nga momenti. Çfarë fitohet kur ka tensione? Ka njerëz që jetojnë atje”, u shpreh ish-presidenti amerikan, Bill Clinton.
