Në vitet e fundit, Partizani ka treguar performancë mbresëlënëse në derbet e kryeqytetit, duke u shndërruar në një ekip ekspert në këto përballje të veçanta.
Së fundmi, ata fituan ndaj Dinamos në një ndeshje pa tifozë në tribuna, por me intensitet të lartë në fushë, ku lojtarët Rrapaj dhe Cara spikatën në “Elbasan Arena”.
Kjo fitore ka konfirmuar dominimin e Partizanit në përballjet me rivalët e kryeqytetit, Dinamon dhe Tiranën.
Në dy vitet e fundit, Partizani ka humbur vetëm një herë ndaj Dinamos dhe ka ruajtur një bilanc të pacënuar kundër Tiranës. Në 14 ndeshje me këto dy ekipe, Partizani numëron 8 fitore dhe 5 barazime, duke treguar një bilanc pozitiv që e bën atë një superfuqi aktuale në futbollin e kryeqytetit.
Në veçanti, Partizani ka arritur 5 fitore dhe 3 barazime në 8 përballjet me Tiranën, ndërsa ndaj Dinamos ka regjistruar 3 fitore, 2 barazime dhe vetëm një humbje.
Këto statistika tregojnë qartë se “Demat e Kuq” vazhdojnë të jenë fuqia kryesore e derbeve në Tiranë.
