Instituti Publik në Kosovë ka bërë bilancin e 24 orëve të fundit lidhur me pandeminë e COVID-19. Në Kosovë nuk është regjistruar asnjë humbje jete nga virusi i rrezikshëm, ndërkohë nga 1.713 testime të kryera në të gjithë territorin e vendit janë konfirmuar 15 raste pozitive. Gjithashtu gjatë 24 orëve të fundit në Kosovë janë dhënë 7.492 doza të vaksinës anti-COVID. Prej fillimit të vaksinimit në të gjitha qytetet e Kosovës janë dhënë 110.097 doza të vaksinës. Lajm i mirë është se betejën me koronavirusin e kanë fituar 67 qytetarë, ndërsa numri i përgjithshëm i të shëruarve është 105.174.Ministria e Shëndetësisë iu ka bërë thirrje qytetarëve që të ruajnë vigjilencën dhe të zbatojnë masat ant-COVID që janë në fuqi.
Njoftimi i MSH’së:
16 Qershor 2021: Ministria e Shëndetësisë, sipas të dhënave nga Instituti Kombëtar i Shëndetësisë Publike të Kosovës, informon:
Në 24 orët e fundit janë dhënë 7.492 doza të vaksinës kundër COVID-19.
Prej fillimit të vaksinimit në të gjitha qytetet e Kosovës janë dhënë 110.097 doza të vaksinës.
Deri më sot 13.149 qytetarë janë vaksinuar me dozën e dytë.
Nga 1.713 testime, 15 qytetarë kanë rezultuar pozitiv me virusin COVID-19.
Gjatë 24 orëve të fundit, nuk është shënuar asnjë rast i vdekjes.
Sot janë shëruar 67 qytetarë, derisa numri i përgjithshëm i të shëruarve është 105.174.
Në total numri i rasteve aktive është 186.
Të dhënat e detajuara mund të i gjeni në linkun:https://datastudio.google.com/…/2e546d77…/page/MT0qBMbani maskat!Respektoni distancën!Mbani higjienën!
