Kina do të përballet me pasoja nëse ndihmon pushtimin e Rusisë në Ukrainë
Konferenca për shtyp e presidentit amerikan Joe Biden tashmë ka përfunduar.
Në postimin tonë të mëparshëm, ju thamë se ai tha se NATO “nuk ka qenë kurrë më e bashkuar” dhe se SHBA do të përgjigjej nëse Rusia përdor armë kimike në Ukrainë.
Por ai foli gjithashtu për Kinën dhe pozicionin e saj nëse do të ndihmonte Rusinë në pushtimin e saj.
Ai tha se vendi e kupton se e ardhmja e tij ekonomike është më e lidhur me Perëndimin sesa me Rusinë dhe ai e ka “bërë të qartë” se do të kishte pasoja nëse do të ndihmonte Moskën.
“Nuk bëra asnjë kërcënim, por ia bëra të qartë – u sigurova që ai të kuptonte pasojat e ndihmës së Rusisë”, tha Biden për një bisedë të fundit me udhëheqësin kinez Xi Jinping.
Presidenti tha se ai gjithashtu i vuri në dukje Xi-t numrin e kompanive amerikane dhe të huaja që janë larguar nga Rusia që nga pushtimi i saj në Ukrainë.
NATO dhe aleatët evropianë janë të bashkuar në mbështetjen e Ukrainës me ndihmë ushtarake dhe humanitare, tha ai, si dhe në vendosjen e “regjimit më të rëndësishëm të sanksioneve ekonomike ndonjëherë” për të “sakatosur” ekonominë e Vladimir Putinit.
I pyetur për kërcënimin e armëve kimike, presidenti tha se SHBA-të do të përgjigjeshin nëse Putini do t’i përdorte ato, por “natyra e përgjigjes do të varej nga natyra e përdorimit”.
