Presidenti Joe Biden deklaroi se po rikthehet në jetën post-pandemike, edhe pse Covid-19 ende nuk është mposhtur plotësisht.
Duke folur para një turme prej 1.000 mysafirësh në festimet e pavarësisë në Lëndinë e Jugut të Shtëpisë së Bardhë, Biden bëri një krahasim midis deklaratës së pavarësisë nga Perandoria Britanike në 1776 dhe shërimit të shpejtë të sotëm nga koronavirusi.
“Dyqind e dyzet e pesë vjet më parë, ne shpallëm pavarësinë tonë nga një mbret i largët. Sot, ne jemi më afër se kurrë për të shpallur pavarësinë tonë nga një virus vdekjeprurës”, i tha ai turmës së anëtarëve të ftuar ushtarakë dhe punëtorëve thelbësorë.
“Ne kemi fituar epërsinë ndaj këtij virusi. Mos më keqkuptoni, Covid-19 nuk është mundur. Ne të gjithë e dimë se janë shfaqur variante të fuqishme, si varianti Delta.”
Biden bëri homazhe për ata që kanë humbur jetën, me numrin marramendës të vdekjeve në Shtetet e Bashkuara tani në më shumë se 600,000. Por ai foli me nota jashtëzakonisht optimiste, duke sugjeruar që nën udhëheqjen e tij vendi – nganjëherë i ndarë me dhunë gjatë presidencës së Donald Trump – po kthehej së bashku.
“Gjatë vitit të kaluar, ne kemi jetuar disa nga ditët tona më të errët. Ne jemi gati të shohim të ardhmen tonë më të ndritshme”, tha Biden.
Turma të mëdha mbushën National Mall për një shfaqje të madhe fishekzjarresh në një tjetër shenjë që Shtetet e Bashkuara po shikojnë festën e tyre të 4 Korrikut si një moment për ta lënë virusin në të shkuarën.
