Ish-kryeministri i vendit, Sali Berisha në një konferencë për gazetarët foli edhe për urdhër-arrestet e dala nga SPAK për inceneratorin e Tiranës.
Berisha u shpreh se 15 urdhër-arrestet e Prokurorisë së Posaçme për inceneratorin u krijuan si mburojë për ata që firmosën dhe që ende nuk janë nën hetim nga SPAK.
“Aq sa mund të ndash blozën e zezë nga tymi mund të ndash Erion Velinë dhe Edi Ramën nga dosja e shekullit.
Në qindra e qindra faqe të dosjes në bazë të së cilës janë lëshuar 15 urdhra arresti nuk përmendet asnjëherë të vetme emri i Erion Velisë, ç’ka dëshmon se këto arrestime nuk kanë patur bërjen e drejtësisë, por krijimi i një mburoje për Erion Velinë dhe Edi Ramën.
Erion Veliaj është personi direkt që me firmë dhe vulë bashkë me Edi Ramën, Engjëll Agaçin dhe Artur Metanin strategjinë e mbetjeve”, tha Berisha.
