Ditën e sotme ish kryeminsitri Sali Berisha ka bërë një thirrje drejt komisionerëve të cilët do të jenë të pranishëm në qendrat e votimit ditën e nesërme duke qenë se pak orë na ndajnë nga referndumi që pritet të mbahet për shkarkimin e Lulzim Bashës, shprehet ai duke theksuar edhe njëherë se dita e nesërme do të jetë dita e fundit e Lulzim Bashës në Partinë Demokratike.
Në postimin e bërë, Berisha u kërkoi komisionerëve që të bëjnë përpjekjet maksimale për të garantuar që secili anëtar i PD të votojë dhe shtoi se rëndësia më e madhe ishte transparenca maksimale e procesit.
Postimi i Plotë nga Sali Berisha:
Drejtuar komisionerëve të Referendumit të Shpresës
Një përshendetje të përzemert të gjithë ju komisionereve dhe komisionerëve te qendrave te votimit. Këto orë që na ndajnë nga hapja e qendrave të votimit le të bëjmë përpjekjet me maksimale që të sigurojmë pjesëmarrjen e të gjithë anëtarëve të Partisë Demokratike në votim. Per ne, rëndësi përcaktuese dhe absolute në këtë festival të votës së lirë ka mbi të gjitha, transparenca e procesit dhe administrimi me korrektesë absolute i çdo vote. Në këtë referendum jetike është vota e lirë e anëtarësisë të PD! Suksese! sb.
