“Vrasësit janë në qeveri,” kështu është shprehur kreu i Partisë Demokratike, Sali Berisha, në një deklaratë të bërë jashtë ambienteve të Kuvendit. Ai solli në vëmendje atentatin që ndodhi pak ditë më parëi në zonën e Don Bosko-s ku mbeti e vrarë një grua, mëkati i vetëmi së cilës ishte që punonte në lokalin në pronësi të shënjestrës së atentatit. Gjithashtu në atentat u plagosën pesë të tjerë.
Berisha tha se vrasësit ndodhen në qeveri, ndërsa nuk i kurseu kritikat edhe ndaj ministrit të Drejtësisë Ulsi Manja, duke e quajtur këtë të fundit një kriminel elektoral.
“Kujtoni vrasjen në Don Bosko. Unë i akuzova për ngjarjet kriminale dhe nuk dhanë asnjë përgjigje. Ulsi Manja krimineli elektoral u ngrit dhe deklaroi se ndjehet krenar. Kurrë ndonjëherë parlamenti nuk ka qenë ndonjëherë në këtë shkallë të inkriminimit. McGonigal ka qenë ndërmjetës, e morët vesh se si i kanë përzier aksionet Edi Rama me McGonigal dhe këtë e deklaron ish presidenti i Dhomës Amerikane të tregtisë që kanë qenë këtu në atë kohë. Po dalin të dhëna që e fundosin Edi Ramën në mënyrë përfundimtar”, tha Berisha.
Ulsi Manja në fjalën e tij në Kuvend tha: Zoti Berisha kur më etiketon si kriminel elektoral ma beso më bën nder. Kur etiketon dikë kriminel raporti është me drejtësinë, unë kam qenë dhe jam i gatshëm të shkoj para drejtësisë. Ti a je i gatshëm të shkosh përpara drejtësisë?
