Kanë ngelur vetëm pak minuta nga nisja e protestës së opozitës para Kuvendit, ndërsa ende ish-kryeministri Sali Berisha nuk ka mbërritur në selinë e Partisë Demokratike.
Ndërsa, para Kuvendit kanë filluar të mblidhen protestuesit, të cilëtishin lajmëruar se protesta do të niste në orën 09:30.
Ende nuk dihet nëse Berisha do të shkojë në selinë blu apo do të shkojë direkt në protestë para Kuvendit.
Kujtojmë se 10 deputetë opozitarë janë të përjashtuar nga seanca plenare, ndërkohë brenda Kuvendit do të votohet për imunitetin e Berishës, nëse do të jepet apo jo autorizimi për arrestimin e tij.
