Ditën e sotme pasi mbajti deklaratë publike në mbledhjen me kryetarët e deegëve, Sali Berisha u shpreh se çdo drejtues në PD, duhet të bëjë njëkohësisht disa detyra organizative.
Sipas tij koha kur drejtuesit merren vetëm me një çështje ka mbaruar. Edhe pse prej kohësh pritet një datë për fillimin e protestave, edhe sot ajo nuk u artikulua nga kryedemorkatik, ndërkohë që la detyra për të gjithë të zgjedhurit e rinj në drejtim e PD, ku nuk mungoi as një lapsus.
“Jemi më të fortë se kurrë, kemi 44 mijë luftëtarë që na u përgjigj në çdo kohë, është një pakicë që mund të udhëheqë një lëvizje shpëtimtare për Shqipërinë. Këta 44 mijë anëtarë duhet ti motivojmë dhe ti sensibilizojmë, kërkohet me çdo kusht që ta zgjerojmë frontin.
Ju bëj thirrje që të qëndrojmë në nivelin e idealeve të anëtarësisë sonë, të mbështetësve tanë, koha është që të bëjmë ditën natë, më falni natën ditë. Për të dyfishuar trashëgiminë tonë, une e di që secili prej jush do të dëshironte që të merrej me një drejtim apo çështje, ka ikur ajo kohë, ne duhet të veprojmë njëkohësisht në të gjitha drejtimet, duhet të shndërrohemi në organizatorë.
Duhet të shndërrohemi në propagandistë të të vërtetave tona”, u shpreh Berisha.
Berisha foli dhe për Ballkanin e Hapur, të cilin e konsideron tradhëtinë më të madhe që po iu bëhet shqiptarëve nga Edi Rama.
”Ajo që ndodh sot me shqiptaret nuk ndodh me asnjë komb tjetër. Le të ndalemi te Ballkani i Hapur. Akti më i madh i tradhtisë ndaj kombit shqiptar. Shqiptarët i detyrojnë Albin Kurtit mbrojtjen nga një projekt që vendos hegjemoninë e pastër serbe. Nga një projekt që në vend të sanksionojë bashkëpunimin me kushte të barabarta, bën sanksionimin e Kosovës nga Beogradi.
Dhe e paraqit Prishtinën si sherri i Ballkanit, ndërkohë që sherri i Ballkanit është Beogradi. Kam dëgjuar që flasin për lirinë ekonomike. Por “TheEconomist” thotë se nga projekti i Ballkanit të Hapur përfiton vetëm Serbia dhe ajo është jashtëzakonisht e paanshme. Por kjo seri gënjeshtarësh, aparteidesh që bëjnë avokatinë e këtij projekti, u them atyre citoni një nen të këtij traktati.
A nuk deklaroj Vuçiç në Novisad që ky traktat është 740 faqesh. Kush e ka parë këtë, çfarë ka të shkruajtur në 740 faqe të këtij gangsteri. Askush nuk e di. Por prape vazhdojnë këta gazetarë aparteid. I gjithë rrjeti i Soros është ngritur në këmbë në Kosovë e Shqipëri për të mbrojtur Ballkanin e Hapur. Çdo fermeri duhet t’i shkojmë ne shpi dhe ti themi se ça mynxyre është Ballkani i Hapur.
Se si duhet të matet fermeri i Korçës i Elbasanit, që fermeri serb merr 80 euro subvencion për hektarë kur ky këtu merr as 2 euro. Këta xhahid dhe apartit që mbrojnë projektin dhe flasin, këta dinë vetëm ç’është Beogradi dhe George Soros dhe paratë e tij”, tha mes të tjerave Berisha.
