Mbrëmjen e sotme lideri historik i PD, Sali Berisha tha në emisionin TPZ se nuk ka zgjedhur në lobojë për të hequr ‘non grata’-n e SHBA.
Sipas Berishës nuk do të negociojë pasi i kanë shkelur dinjitetin.
“Kam pasur ofertat nga më bindëset për sukses dhe nuk e kam bërë. Kërkon negociatë, por unë nuk e bëj. Hajde ti shpif për mua, hajde negociojmë, por unë nuk negocioj. Kam pasur oferta nga më të sigurtat dhe s’kam për ta bërë. E vetmja zgjidhje, nëse kërkojnë të falur. Të falur nuk kërkojnë. Nuk jam dakord për negociatë se më kanë shkelmuar dinjitetin.”-tha Berisha.
Gjithashtu Berisha u shpreh i bindur se demokratët do të vinin në pushtet nëse do të zgjidhej në krye të partisë Demokratike.
Berisha u shpreh se për shkak të kësaj, kryeministri Edi Rama ishte tronditur, duke shtuar se ky i fundit ishte i vetëdijshëm se do të humbiste në zgjedhjet e ardhshme.
Ish kryeministri, Sali Berisha: Kam bindjen më të thellë se PD do vijë në pushtet. Nëse ka njeri që ka prekur rënien më të madhe ai jam unë. Në vitin 1997-98 nuk di ndonjë njeri që të besonte se Sali Berisha duhet të qëndronte në politikë. Këtu jo vetëm e majta që dërgoi një delegacion kryesuar nga Papandreu që më kërkoi të largohesha. U ndërmorën nisma për të larguar PD-në nga partitë Popullore Europiane. Unë qëndroja në bindjen time se PD duhet të ekzisonte si opozitë dhe ecëm drejt fitores. Ndaj dhe unë kam bindjen absolute se kjo tronditje e madhe e Edi Ramës është se ai e di se në këto zgjedhje, ai do të humbasë. Demokratët do kënaqen se do vijnë sërish në pushtet sepse unë e kam mundur Edi Ramën 3 herë.
