Gjatë takimit të sotshëm me kandidatët e PD për kryetarë bashkir, kreu i kësaj force politike, Sali Berisha ka deklaruar se kryeministri Edi Rama ka ngritur një sipërmarrje në Singapor.
Në fjalën e tij, Berisha theksoi se ‘parukja’ duke iu referuar Endri Fugës ka dhënë dorëheqjen për tu marrë me këtë sipërmarrje. Endri Fuga është nga njerëzit më të afërt të Ramës.
Pjesë nga fjala e kryetarit të PD, Sali Berisha:
Ju e dëgjuat, shqiptarët e dëgjuan. Para 3 ditësh dha dorëheqjen njeriu më i afërt i tij që ai e thërriste ‘parukja’, Fuga. Po pse dha dorëheqjen do thoni ju?
Sepse ka ngritur sipërmarrje në Singapor. Po, absolutisht. Të gjithëve iu kujtohet udhëtimi në Singapor i Edi Ramës. Ndokush mendon se u bë për interesa të qytetarëve.
Singapori është një vend që mund të mësohet shumë prej tij. U bë për interesa personale, sepse duhet të vendosen në bankat e Singaporit, dhe tani po dërgon Fugën pas parave në Singapor, kanë hapur ndërmarrje atje. E sigurtë!
Pra, afera e Durrësit shumë miliardëshe. 420 milionë janë janë djegësat. Të gjitha këto e bëjnë Edi Ramën të ketë frikë çdo sekondë, çdo minutë, ai e përfytyron veten aty ku e ka vendin. Por nuk janë vetëm këto.
