Ish-kryeministri Sali Berisha ka thënë se është Edi Rama ai që ka çuar dosjet në SHBA dhe prandaj nuk ka reaguar deri tani për këtë çështje. Në emisionin “Opionion”, Berisha ka thënë se është Rama që e ka inicuar këtë vendim, ndërsa bën sërish ftesë që të publikohen fakte. Ai tha se dosjet janë nisur nga Shqipëria dhe DASH mund t’i ketë marrë parasysh.
Pjesë nga Biseda.
Blendi Fevziu: Kryeministri Rama, ose kreu i PS po e marr tani nuk pati asnjë reagim për këtë çështje.
Sali Berisha: Po pse të reagojë ai, ka çuar dosjet dhe kaq. Pse do reagonte?
Blendi Fevziu: Nëse ka çuar dojset do të thotë ka diçka…
Sali Berisha: Absolutisht mashtrim, le ta nxjerrin. Le të nxjerrin faktet.
Blendi Fevziu: Ju po thoni që është Rama që e ka iniciuar?
Sali Berisha: Pa diskutim.
Blendi Fevziu: Nga Shqipëria?
Sali Berisha: Po të mos nisej nga Shqipëria ajo… nuk janë zhvillime në Uashington. Këtu kanë marrë dosjet.
Blendi Fevziu: Dhe DASH mund të mashtrohet nga dosjet e Ramës? Duket akoma më e rëndë.
Sali Berisha: Që i merr dosjet e qeverisë, i merr ajo…
Blendi Fevziu: Patjetër, por i shqyrton, nuk e merr vendimin mbi çdo lloj dosje.
Sali Berisha: Po një gjë që nuk qëndron, nuk qëndron mor zotëri. Ja ta shohim në gjykatë!
