Një ndër kriteret kur zgjedh një makinë padyshim është dhe marka.
Sipas një studimi të “INSTAT” nga rreth 540 mijë autovetura që kishte në vend deri në fund të vitit 2000, rreth 98 mijë, ose 18.2% ishin Mercedes Benz, duke u renditur të parat.
Në vend të dytë është Volksëagen, me 91.7 mijë mjete, ose 17% e totalit, ndërsa në vend të tretë është “Daimler Chrysler” (12,1%).
Ndërsa mbizotërojnë në rrugë, autoveturat Benz janë më të vjetrat. Sipas INSTAT, deri në dhjetor 2020, marka “Mercedez Benz” regjistrohet si marka më e përdorur e autoveturave të regjistruara me vit prodhimi para 2000 dhe viteve 2011-2020. Marka “Volksëagen” regjistrohet si marka më e përhapur e autoveturave me vit prodhimi 2000-2010, shkruan Monitor.
Evidentohet se markat gjermane mbeten më të preferuarat.
Ndërkohë që përveç faktit që “Benzi” mbetet përsëri i preferuari i shqiptarëve, nga të dhënat rezulton që autoveturat benz janë më të vjetrat.
26% e autoveturave që qarkullojë në vend janë të prodhuara përpara vitit 2000, ose më shumë se 20 vjet të vjetra., ndërsa pjesa më e madhe, apo 65% janë prodhim midis viteve 2000-2010, apo më shumë se 10 vjet të vjetra, sipas INSTAT.
Theksojmë se vetëm 9% e autoveturave janë më pak se 10 vjeçare.
Sipas INSTAT, në vitin 2020, numri gjithsej i mjeteve rrugore me status “aktiv” dhe “të çregjistruar përkohësisht” rezulton 676.811 mjete, nga 628.937 mjete të regjistruara deri në vitin 2019, duke u rritur me 7,6%.
