Një 31-vjeçar është arrestuar nga polica pas kallëzimit që motra e tij bëri, duke thënë se ai ushtronte dhunë në familje. llir Murati, banues në Bulqizë ka rënë në prangat e policisë, si pasojë e telefonatës së motrës së tij e cila ka kërkuar ndihmën e policisë së shtetit. Bëhet me dije se motra e personit të arrestuar, telefonoi dhe denoncoi se Murati ushtronte dhunë fizike dhe psikologjike ndaj saj dhe prindërve. Më pas 31-vjeçari u arrestua në flagrancë nga policia.
Me marrjen e njoftimit, menjëherë shërbimet e Policisë kanë shkuar në adresën e dhënë ku është bërë i mundur parandalimi i konfliktit duke arrestuar në flagrancë shtetasin I. M., 31 vjeç, banues në Martanesh, Bulqizë. Materialet procedurale i kaluan Prokurorisë pranë Gjykatës së Shkallës Parë Dibër për veprime të mëtejshme.
Njoftimi i Policisë së Shtetit:
U konfliktua dhe ushtroi dhunë ndaj familjarëve të tij, falë ndërhyrjes së shërbimeve të Policisë, parandalohet konflikti i mëtejshëm dhe vihet në pranga autori. Në sallën Operative të Komisariatit të Policisë Bulqizë ka ardhur një telefonatë nga shtetasja N. M. e cila ka kërkuar ndihmë nga Policia, pasi vëllai po ushtronte dhunë fizike dhe psikologjike ndaj saj dhe ndaj prindërve. Me marrjen e njoftimit, menjëherë shërbimet e Policisë kanë shkuar në adresën e dhënë ku është bërë i mundur parandalimi i konfliktit duke arrestuar në flagrancë shtetasin I. M., 31 vjeç, banues në Martanesh, Bulqizë. Materialet procedurale i kaluan Prokurorisë pranë Gjykatës së Shkallës Parë Dibër për veprime të mëtejshme.
