Një grup kriminal i përbërë nga shqiptarë, me veprim në të gjithë Europën, është shpërbërë nga policia italiane.
Banda merrej me prodhimin dhe trafikun ndërkombëtar të lëndëve narkotike.
Nuk është bërë e ditur ende nëse të gjithë të arrestuarit ishin shqiptarë apo kishte edhe shtetas të huaj, por Europol shkruan se hetimi për grupin në fjalë kanë nisur në vitin 2017.
Për shkatërrimin e tij Antimafia italiane organizoi një mega-operacion të koduar “BACCARAT”.
Në këtë operacion morën pjesë 600 forca policie nga 6 vende: Itali, Belgjikë, Holandë, Francë, Gjermani dhe Spanjë.
Për koordinimin kompleks të operacionit u ngrit një qendër komande në Belgjikë, ku personeli i Antimafias italiane së bashku me përfaqësuesit e policive të shteteve përfshirëse, drejtuan të gjitha fazat e operacionit.
Deri më sot, janë kryer 25 arrestime:
9 në Belgjikë, 6 në Spanjë, 3 në Holandë, 6 në Gjermani dhe një në Francë.
Gjatë operacioni u kontrolluan 30 banesa për lëndë narkotike dhe armë.
Në përfundim, u zbuluan 6 plantacione të kanabisit dhe u konfiskuan mbi 60 000 € kesh, telefon celular, armë dhe municion.
Klani ishte i strukturuar në mënyrë hierarkike, me degë që funksiononin ndërkombëtarisht.
