Bashkia Shkodër ka në krye socialistin, Benet Beci, i cili duket se ka filluar spastrimin e administratës në qarkun Shkodër.
Mësohet se Beci u ka dërguar shkresë punonjësve të bashkisë, kopshteve dhe shumë institucioneve të tjera për largim nga puna, pa dhënë asnjë motivacion.
Këtë e tregojnë vetë punonjësit, të cilët shprehen se janë pajisur vetëm me një shkreksë dhe pa asnjë arsye se përse po largohen nga vendi i punës.
“Punoj në kopshtin Edith Durham dhe më ka ardhur shkresa për largim nga puna. Mjafton të shkoni atje dhe të shihni punën që bëj dhe më pas gjykojeni vetë. Dje na ka ardhur shkresa,” tha punonjësja e kopshtit për mediat.
Ndërsa gjatë prononcimit për mediat, një nga punonjëset, e cila ishte në prag të pensionit, me letrën e paralajmërimit se do të pushohej nga puna, është shprehur se kërkon të drejtën e saj për të qëndruar në punë.
“Jam 62 vjeçe dhe sot kërkoj të drejtën time për të qenë në punë. Paralajmërimi na ka ardhur dje dhe nuk kemi asnjë arsye apo shpjegim se përse do të largohemi nga puna.”
Por a po bëhen këto shkarkime se ata njerëz nuk janë të aftë në pozicionin e punës, apo nuk janë dashamirës së partisë në pushtet? Nga kush do zëvendësohen këta punonjës? Nga njerëz që u ka premtuar partia punë, në këmbim vote?
