Një ngjarje e rëndë ka ndodhur në Itali, ku një i mitur shqiptar ka sulmuar me thikë 21-vjeçarin, Michele Dal Forno. Kjo nuk është hera e parë që i mituri është përfshirë në incidente të tilla, pasi sipas policisë ai është raportuar edhe në dy raste të tjera sulmi me thikë. Identiteti i tij nuk bëhet i ditur, por sipas mediave italiane, shqiptari është arrestuar dhe ndodhet në burgun për të mitur në Treviso.
E gjithë ngjarja nisi teksa Del Forno pa një vajzë e cila po grindej me dy të mitur, ai është afruar duke e pyetur vajzën nëse kishte nevojë për ndihmë, e cila fillimisht i tha se ishte gjithçka në rregull, por më pas i kishte thënë se kishte frikë nga djemtë. Në ato momente një nga dy djemtë, i mituri shqiptar i është drejtuar Micheles duke e goditur me mjet prerës dhe duke e plagosur rëndë në fytyrë. Më pas, vetë 21-vjeçari ka lajmëruar ambulancën dhe ka shkuar në spital.
Italia është një ndër vendet ku ka shumë shqiptarë si emigrantë dhe ngjarje të tilla ndodhin shpesh në shtetin fqinj, ku përfshihen pikërisht shtetasit shqiptarë. Përveç ngjarjeve të tilla, plagosje dhe sherre me mjete të forta, shqiptarët kanë një reputacion jo të mirë edhe për kultivimin dhe shpërndarjen e lëndëve narkotike.
