Ditën e sotme Belgjika ka rekomanduar përdorimin e dozës së katërt të vaksinës, për të gjithë personat që kanë imunitet të dobët.
Ministri i Shëndetësisë i rajonit ku flitet gjuha flamande, Ëouter Beke njoftoi se duke filluar prej sot u është dërguar ftesë personave me imunitet të dobët për dozën e katërt të vaksinave Pfizer-Biontech ose Moderna.
Janë të paktën 200 mijë persona të cilëve do u dërgohet ftesa për të marrë dozën e katërt.
Të paktën 74 për qind e popullatës e përbërë nga 11.4 milionë në Belgjikë ka marrë të paktën një dozë të vaksinës ndërsa në dozat përforcuese kjo përqindje është 49.
Me rënien e rasteve në vend ditët e fundit, pritet edhe lehtësimi i masave. Rastet mesatare ditore me COVID-19 në vend janë rreth 38 mijë.
Kujtojmë se në dhjetor të vitit 2021 ka qenë Izraeli ai që planifikonte të bëhej shteti i parë që ofron dozën e katërt të vaksinës kundër koronavirusit, teksa ky shtet përgatitet për një valë infektimesh të nxitur nga varianti Omicron i këtij virusi.
Ekspertët për pandemi në Izrael kanë rekomanduar një dozë të katërt për personat mbi moshën 60-vjeçare dhe punëtorët shëndetësorë.
Kryeministri izraelit, Naftali Bennett e ka mirëpritur këtë plan dhe u ka thënë zyrtarëve që të nisin përgatitjet.
Ky njoftim vjen pasi Izraeli ka konfirmuar vdekjen e parë të një pacienti të infektuar me variantin Omicron.
Ministria e Shëndetësisë në këtë shtet ka identifikuar të paktën 340 raste me këtë variant.
