Rebeka, një transgjinore shqiptare që punon si eskortë prej disa vitesh, ka treguar publikisht detaje nga jeta e saj, përfshirë raportet me klientët, përvojat me politikanë dhe figura të njohura, si dhe sfidat që përballon për transformimin e saj fizik.
Në intervistën e dhënë, ajo shpjegon se ndër klientët më të rregullt janë politikanët, të cilët sipas saj paguajnë më shumë për të garantuar diskrecionin. “Siç unë dua të ruaj privatësinë time, ata duan privatësinë e tyre. Por shkoj me shumë politikanë, paguajnë dyfishin e njerëzve normal, vetëm që të ruajnë privatësinë e tyre. Janë klientët e mi më të rregullt, kujdesen për mirëmbajtjen time”, deklaron ajo.
Rebeka shton se nuk mungojnë as klientët VIP, të cilët ajo i trajton me indiferencë profesionale: “Ka shumë VIP-a, por mua nuk më intereson. Siç ata bëjnë punën e tyre, edhe unë bëj punën time, bëj sikur nuk i njoh. Ata mbarojnë qejfin e tyre, unë marr lekët e mia, mbaroj punën time, nuk i njoh dhe s’më njohin”.
Ajo thotë se shpreson të largohet nga kjo mënyrë jetese sapo të arrijë transformimin e plotë fizik, për të cilin i nevojiten ndërhyrje të kushtueshme: “Mendoj që në momentin kur do të plotësohem fizikisht me çdo operacion, mundësi financiare, atëherë jeta ime do të stopojë në këtë rrugë. Shoh vetëm tortura, sepse jeta ime në rrugë është torturë”.
Ndërhyrja për ndryshimin e organit gjenital, sipas saj, ka një kosto të lartë: “Jam shumë femërore, por kam nevojë për organin gjenital që ta ndryshoj. Varet se në çfarë shteti i bën, në Serbi shkon 10 mijë euro, por në Turqi shkon mbi 20 mijë euro. Pastaj është gjoksi, lazeri, botox që janë shpenzime. Një vajzë trans ka shumë shpenzime se një vajzë normale”.
E pyetur për kërkesat që has nga klientët, ajo pohon se shpesh i kërkohet pjesëmarrje në situata seksuale në grup: “Orgji patjetër që po, madje shpeshherë. Bëjnë pagesa të larta”- përfundon ajo.
