Salla e Operimit, simbol i shpëtimit të jetëve të njerëzve, është shndëruar nga një infermiere në Elbasan si një vend i preferuar i saj për të realizuar video për TikTok.
Ashtu siç duket edhe nga video që ajo ka publikuar, duket qartazi që teksa është në sallën e operimit dhe me uniformën përkatëse, infermierja “deliron” duke bërë “TikTok” Këtë e ka bërë publike një qytetar për ‘JOQ’, teksa shpreh habi për atë që po ndodh brenda institucionit. Duke e quajtur turp, qytetari pyet nëse në spital ofrohen shërbime apo bëhen video për Tik Tok.
“Pershendetje JOQ. Infermieret e shtetit, ne spitalin e elbasanit a behet tiktok apo jepet sherbim? A nuk eshte turp??”– pyet qytetari.
View this post on Instagram
Theksojmë se 800 mjekë janë larguar nga Shqipëria vitet e fundit sipas kreut të Shoqatës së Mjekëve Shqiptarë në Gjermani. “Urdhri i Mjekut” nuk ka një shifër zyrtare të mjekëve të larguar por disponon të dhëna mbi mjekët e huaj që vijnë të punojnë në Shqipëri. Dy vitet e fundit janë regjistruar 85 mjekë të huaj, një pjesë e madhe e të cilëve janë kirurgë plastikë të punësuar në spitale private.
Më herët zv.ministrja e Shëndetësisë Mira Rakacolli pranoi se ka largim të mjekëve, por kjo s’duhet të jetë shqetësuese sipas saj. “Ka dhe mjekë që vijnë, përshembull vetëm vitin e fundit janë licensuar 88 mjekë të huaj që vijnë në Shqipëri për të punuar”-tha Rakacolli.
