Fredi Alizoti është një nga personat e marrë si i pandehur për çështjen “Babale”.
I pyetur sot nga prokurorët, ai ka pranuar kallëzimin e rremë, shkruan “Panorama”.
Alizoti u shpreh se ai me Albert Veliun kanë bërë audio përgjimin.
Sipas tij tij, plani për t’u realizuar audio përgjimi ishte që në shtator të 2017-ës, por Veliu nuk kishte gjetur njerëz të besuar në Vlorë.
Më pas me Alizoti pranon të bashkëpunojë me “Babalen”, pasi bëhej fjalë për 200 mijë euro, të cilat do t’ja jepte ish-deputeti demokrat, Ervin Salianji.
Për këtë të fundit, i pandehuri thotë gjithashtu se ka siguruar edhe stilolapsat për përgjim.
Më tej ai shtoi se u detyrua të tregojë të vërtetën, pasi ndihej i kërcënuar, ndërsa rrëfen se nuk ka marrë as lekët e premtuara.
Mirëpo avokati Indrit Sefa, ngriti dyshime mbi vërtetësinë e thënieve të Alizotit dhe e pyeti për disa përgjim, ku ai fliste miqësisht me drejtorin e Policisë së Fierit.
Alizoti iu përgjigj se nuk ka miq, por ndihej i sigurtë të policia.
Avokati shtoi më pas, se personaliteti i të pandehurit nuk është i besueshëm, pasi ka implikuar njerëz që as nuk i njeh e as nuk i ka parë ndonjëherë.
Çështja “Babale” trazoi së tepërmi ujrat e politikës shqiptare.
Menjëherë pas bërjes publike të audiopërgjimit, Agron Xhafaj, vëllai i ish-ministrit Fatmir Xhafaj, u dorëzua te autoritetet italiane.
Të pandehur për këtë dosje janë ish-deputeti Ervin Salianji, gazetari Sokol Olldashi, Albert Veliu, ose i njohur ndryshe si “Babalja” dhe Fredi Alizoti, i cili dyshohet se ka imituar zërin e Agron Xhafajt në audiopërgjim.
