Me datë 4 qershor Parlamenti shqiptar votoi si presidentin e ardhshëm të vendit Bajram Begaj. Deputetja Flutura Açka në nëj intervistë për “News 24” ka folur mbi presidentin e ri si dhe letrënnë të cilën ai shprehet se nuk është i zoti me fjalët.
Açka u shpreh se nuk e njeh shumë figurën e re të zgjedhur nga PS, ndërsa u shpreh se ishte e bindur shumë më herët se PS e kishte zgjedhur emrin e ri.
Po ashtu referuar letrës së Presidentit të ri Bajram Begaj i cili u shpreh se nuk është i zoti me fjalimet, Açka theksoi se presidenti është një figurë që duhet t’i flasë shqiptarëve, mund të mos dijë të mbajë fjalime, por të flasë me zemër.
“Nuk mund të shkonte në bojkot, e kuptoj pozicionin e Alibeajt, e mbështes. Unë e kam ditur që PS e kishte zgjedhur Presidentin. Nuk e njoh, por më kërceu pak kur tha se unë nuk di të mbaj fjalime,. Presidenti duhet t’i flasë shqiptarëve, unë nuk di të mbaj fjalime si këta burrecë që duket se mbajnë fjalime por janë vetëm populistë dhe nuk i kanë dhënë asgjë këtij kombi, por fol me zemër”, tha më tej ajo.
Kujtojmë që në votimin që u krye në seancën plenare në Kuvend, morën pjesë 83 deputetë. Ai u zgjodh me 78 vota pro, 4 kundër dhe një abstenim.
