Policia spanjolle ka shkatërruar një bandë prej 4 grabitësish, të gjithë shqiptarë.
Preja e tyre e preferuar ishin banesat e futbollistëve të Atletico Madridit dhe Real Madridit.
Sipas “Eldiario.es”, gabitjet ndodhnin gjatë kohës kur yjet e futbollit ishin në fushën e lojës, ndërsa viktimë ka rënë edhe trajneri i Real, Zinedine Zidanë.
Mësohet se njëri prej të arrestuarve ka iniciale M.Z. dhe ka qenë arrestuar më herët, pasi një nga anëtarët e grupit të tij, kreu një grabitje të dhunshme në shtëpinë e biznesmenit, Jose Luis Moreno.
Në mesin e sendeve të vjedhura është edhe medalja e Champions League e Thomas Party.
Gjatë një ndeshje mes ktyre dy ekipeve është grabitur edhe shtëpia e Casemiros.
Grabitësit kanë hyrë edhe në shtëpinë e Alvaro Moratës, në momentin kur ky i fundit ndodhej në shtëpi me gruan, fëmijët dhe kujdestaren e tyre.
Po ashtu viktimë e bandës së shqiptarëve kanë qenë edhe Lucas Vazquez apo Isco.
Për të kryer grabitjet, ata përdornin makina të vjedhura, të cilave u ndërronin targat, ndërsa mbanin edhe maska.
Autoritetet spanjolle kanë dyshime se një anëtar i pestë i bandës është arratisur nga vendi dhe kanë lëshuar ndaj tij një urdhër-arrest ndërkombëtar.
