Kandidati i Partisë Demokratike për Durërsin, Edi Paloka ka thënë se ende nuk janë numëruar bastionet e PD dhe kjo është një strategji e Ramës për të nxjerrë qendrat e votimeve që janë bastione të PS. Nga qyteti ku kandidaon, Paloka tha se shqiptarët kanë votuar për ndryshimin dhe kjo pritet në Durrës dhe në të gjithë Shqipërinë. Paloka ka thënë se ajo çfarë ka deklaruar Partia Demokratike deri tani, do të dalë e vërtetë. Ai u shpreh gjithashtu i bindur se ndryshimi do të vijë.
“Janë qendrat e PS-së që kanë kthyer. Bastionet e tjera siç është Rashbulli ende pritet të tregojë. Në 2017 nuk pati zgjedhje fare, presim ndryshim të thellë. Tani po i del boja, ishte strategji e Ramës për të nxjerrë qendrat e votimit që janë bastionet e PS. Bastionet e PD s’janë numëruar. Prisni, ajo që kemi thënë, do të dale e vërtetë.
Qytetarët shqiptarë kanë votuar për ndryshimin, ndryshimi do të vijë. Në 2017 nuk pati asgjë në Maminas, ne presim ndryshim të thellë në Durrës dhe në të gjithë Shqipërinë. Bastionet e tjera të PD nuk janë numëruar, ndaj prisni. Shqiptarët kanë votuar për ndryshimin dhe jemi të bindur se ndryshimi do të vijë. Presim ndryshim edhe në Durrës.”, tha Paloka.
