Kreu i Partisë Demokratike, Lulzim Basha ka vazhduar takimet me qytetarët në kuadër të fushatës elektorale për zgjedhjet e 25 prillit. Këtë herë ai ka vizituar një familje që ka kaluar koronavirusin, ndërsa shpenzimet i kanë mbuluar vetë. Gjatë bisedës me të zotët e shtëpisë Basha tha se kur të jetë ai në qeverisje të gjitha familjet që kanë pasur të sëmurë në shtëpinë e tyre do të kenë mbështetje financiare.
Pjesë nga biseda:
Lulzim Basha: Si jeni me shëndet?
Qytetari: Mirë.
Lulzim Basha: Me Covid-in?
Qytetari: E kemi kaluar të dy.
Lulzim Basha: Në shtëpi?
Qytetari: Po, në shtëpi.
Qytetarja: Tani kemi disa pasoja.
Qytetari: Zonja e pati më të rëndë, me oksigjen.
Lulzim Basha: Shpenzimet?
Qytetarja: Të gjitha vetë.
Lulzim Basha: Të gjitha shpenzimet nga xhepi besoj?
Qytetari: Të gjitha nga xhepi. Ata që kanë pasur 5 lekë, por prapë se prapë nuk i kanë më. Dhe mjerë ata që janë zhytur deri në fyt në borxh.
Lulzim Basha: Për këto ne po hartojmë një plan që të gjitha familjet që kanë pasur të sëmurë në shtëpinë e tyre, siç keni qenë ju të dy, nga qeverisja e ardhshme të kenë një mbështetje financiare. Se praktikisht në shumicën dërrmuese të rasteve janë fshirë të ardhurat. Se ju e dini kurimi i një personi shkon sa rroga vjetore e një familje normale.
