Kreu i Partisë Demokratike, Lulzim Basha ka uruar besimtarët myslimanë në nisje të muajit të shenjtë të Ramazanit që nis ditën e nesërme. Në një postim në Facebook Basha uron një argjërim të lehtë dhe të pranuar. Ai shkruan se shpreson që ky muaj të udhëheq drejt një rrugë të drejtë dhe përmes sakrificës dhe lutjeve drejtuar Zotit, të ndërtohet një jetë më e mirë për popullin, me më shumë mundësi dhe gëzim për çdo familje shqiptare.
“Agjërim të lehtë e të pranuar, dritë, shpresë dhe begati sjelltë ky muaj për ju, familjet tuaja dhe gjithë shqiptarët kudo që janë!”, shkruan Basha
Postimi i plotë:
Të dashur miq të besimit islam që nesër nisni agjërimin e muajit të shenjtë të Ramazanit, nga zemra ju uroj agjërim të lehtë dhe të pranuar!
Le të shërbejë ky muaj për të na udhëhequr në rrugën e drejtë dhe përmes sakrificës e lutjeve tona drejtuar Zotit, të ndërtojmë një jetë më të mirë për popullin tonë, me më shumë mundësi dhe gëzim për çdo familje shqiptare.
Agjërim të lehtë e të pranuar, dritë, shpresë dhe begati sjelltë ky muaj për ju, familjet tuaja dhe gjithë shqiptarët kudo që janë!
Muaji i Ramazanit nis prej mbrëmjes së datës 13 prill dhe mbyllet pas një muaji.
