Kreu i Partisë Demokratike ka vazhduar ditën e sotme takimet me qytetarët në kuadër të fushatës elektorale. Në një bashkëbisedim me gra në qytetin e Patosit Basha ka treguar edhe pse nuk i kthen përgjigje akuzave të kreyeministrit Rama. Lideri i opozitës tha se Rama e sulmon sepse e di që ndryshimi po vjen dhe se në këto 8 vite nuk ka asgjë për t’u mburrur, prandaj ka si alternativë të vetme sharjen. Basha ka thënë se nuk ka kohë për të humbur me Ramën e se ai do ta përgojojë deri në ditët e fundit. Kreu i PD tha se nuk merret me Ramën, por me qytetarët.
“Më thonë pse si kthen përgjigje kur të shan, kur të sulmon. E dini pse më shan, pse më sulmon? Sepse e di që po vjen ndryshimin. S’ka bërë asgjë këto 8 vite. S’ka një gjë për t’u mburrur. Alternativa e vetme është sharja.
Njerëzit prandaj janë mërzitur nga politika. Rama është e shkuara ,s’kemi kohë për të humbur me gërr-vërret. Deri ditët e fundit do shajë e përgojojë. S’ka asgjë për t’i treguar shqiptarëve. 25 prilli nuk është për të ,as për mua, janë për popullin. Nuk merrem me të, unë merrem me ju”, ka thënë Basha.
