Kreu i Partisë Demokratike, Lulzim Basha ka qenë në një takim me të rinjtë në njësinë nr.5 në Tiranë në kuadër të fushatës elektorale për zgjedhjet. Basha ka deklaruar gjatë takimit se rinia e vendit tonë është emrekullueshme dhe prandaj duhet një qeveri që të punojë për ta.
“Kemi vend dhe rini të mrekullueshme na duhet vetëm një qeveri që të punojë për ju. Na duhet një qeveri që të punojë për ju dhe jo për vete. Në 25 prill do të bëjmë ndryshimin, a jeni gati?”, ka thënë Basha.
Pasi qëndroi për disa minuta në kafe me ta Basha u ndal gjatë rrugës për të takuar një grup studentësh të cilëve iu ka thënë se Bashikmi Europian ka ndarë 26 milionë euro për të trajnuar të rinjtë në fushën e teknologjisë. Po ashtu Basha deklaroi se se 5 deri në 10 mijë të rinj në vit do të trajtohen.
“Do të ketë një fokus financimi, e konfirmoi edhe komisionerja për dixhitalizimin dje, ndoshta ndoqët vetëm reagimet, por rëndësi kishte biseda, BE ka ndarë 26 mln euro për të trajnuar të rinjtë në fushën e teknologjisë së informacionit. Do të trajtojmë 5-10 mijë të rinj në vit. Hapeni fjalën, jo vetëm mund por do të ndryshojnë dhe bëhuni pjesë e ndryshimit në 25 prill” u tha Basha.
