Mbrëmjen e sotme Kryetari i Partisë Demokratike, Lulzim Basha ka hedhur poshtë pretendimet e presidentit Ilir Meta për anulimin e zgjedhjeve të 30 qershorit. Në fjalën e tij, gjatë emisionit “Radari Informativ”. Basha u shpreh se në fakt kërkesa presidentit i është bërë nga një palë e tretë por për asnjë moment nuk ka bërë me dije emrin. Basha këmbënguli që është në nderin e presidentin që të nxjerrë emrin e atij që ka bërë kërkesën për anulimin e zgjedhjeve lokale.
“Rama padiskutim është armiku i Shqipërisë. E vërteta është që Shqipëria është vendi më i korruptuar i Ballkanit, dhe në Europë. Ka shkallë të lartë emigracioni në Europë. Unë jam pyetur për episode të caktuara për Metën. Është e vërtetë e pamohueshme që e di çdokush që futja e Ilir Metës, në dy javët e fundit në fushatë elektorale, ishte një dëm i madh. Janë mashtrime dhe gënjeshtra. Meta e di shumë mirë kush ia ka kërkuar anulimin e zgjedhjeve të qershorit. Jam në dijeni, por është në nderin e tij të mos gënjejë dhe të thotë të vërtetën. S’jam zëdhënësi i Metës të them kush ia kërkoi… është në nderin e tij të thotë se kush ia ka kërkuar. S’kam hapur front me Metën. Jam pyetur për episode të caktuara dhe kam thënë mendimin tim, gjërat që kam thënë me diplomaci do i them troç. Është e pamohueshme në PD dhe LSI që futja e Metës në fushatë, mënyrën si u fut në fushatë ishte shkatërrimtare për fushatën e LSI dhe me kosto për PD”, -pohoi Basha.
