Mbrëmjen e djeshme opozita zhvilloi protestën e radhës në Tiranë, ku për fat të mirë nuk u shënua asnjë incident.
Gjithashtu lideri I PD, Lulzim Basha ka paralajmëruar se do të protestojnë çdo ditë, deri ditën e djelë që është edhe data 30 qershor.
Vendimi u mor menjëherë pas përmbylljes së protestës së nëntë kombëtare, pas takimit të kreut të Opozitës, Lulzim Basha, me aleatët e Partisë Demokratike.
“Ne ua kemi borxh shqiptarëve që këtë krizë të thellë të mos e mbyllim thjesht me një marrëveshje politike bazuar mbi pazare. Kjo krizë politike duhet dhe do të mbyllet jo mbi pazare, por mbi parime. Dhe sot dua ta them qartë dhe prerë se parimi i parë është çuarja para drejtësisë dhe prapa hekurave të burgut të atyre që u vodhën votën shqiptare” – deklaroi lideri demokrat, Basha. Ashtu si edhe në protestat e kaluara, ai theksoi, se “nuk do të ketë negociata me Edi Ramën kryeministër”.
Mbrëmjen e djeshme edhe pse ishte protesta e radhës nga opozita, ndryshe nga herët e tjera, nuk ndodhi asnjë incident. Basha ishte i shoqëruar nga bashkëshortja dhe dy vajzat e tyre.
Kёsaj proteste i parapriu publikimi sёrish i disa regjistrimeve tё reja nga pёrgjimet e telefonatave nga prokuroria tё dosjeve 184 dhe 339, ku bёhet fjalё pёr manipulim votash nё zgjedhjet parlamentare 2017.
