Ndërkohë që deputetët e rinj të opozitës u betuan në Kuvend, kryetari i Partisë Demokratike, Lulzim Basha ndodhet në Dibër në turin e tij me qytetarët, të cilët i ftoi të marrin pjesë masivisht në protestën e 16 marsit në kryeqytet.
“T’ua kthejmë Dibrën dibranëve dhe Shqipërinë shqiptarëve. Ne do të bëjmë që ambiciet dhe ëndrrat tuaja universitare të mos pengohen për asnjë moment dhe pa asnjë shkas të mos pengoheni për asnjë moment dhe pa asnjë shkas. Unë sot këtë padrejtësi nuk e zgjidh dot, por të ftoj me 16 mars në Tiranë që ta shembim këtë sistem. Unë një hap e kam bërë. Mandatet i dogjëm”, tha Basha.
Basha shtoi gjithashtu se shqiptarët janë popull punëtor, por ajo që ua ka vështirësuar punët janë krimi dhe lidhjet e politikës me elementë kriminalë.
“Merri mollët me vete dhe t’ia hedhim në surrat dhe në fytyrë. Merri me vete me 16 mars. As Enver Hoxha nuk e ka bërë këtë. Kjo nuk është Dibra e Dibranëve , por e Ymer Lalës. Dibrani ka qenë zot shtëpie, por sot nuk jeni. Janë Edi Rama dhe Ymer Lala.
Po iu them hapur, sepse jam nip Dibre. Me ndihmën e krimit ua mori bashkinë. Ka ardhur koha për t’i këpusim kokën krimit në Tiranë. Kjo nuk është qeveri, por kjo është bandë. Do ta rrëzojmë me të gjitha rrugët dhe mjetet”-tha Basha.
