Kreu i PD, Lulzim Basha ka qenë në intritutin e kulinarisë “Neranxi” ku ka biseduar me pronarët e këtij biznesi dhe studentët.
Edhe njëherë Basha nuk i ka rezistuar kuzhinës dhe ka marrë pjesë në procesin e bërjes së një torte që mbante flamurin e Shqipërisë dhe simbolet e PD.
“Besoj e keni marrë vesh se unë i fus shumë piper. Besoj se ky është nga rastet kur jeni 99 % praktike. Duhet të kisha bërë pak trajnim, këtë e përdorin shumë mirë vajzat sepse kanë bërë një kurs ku bëhen pjekjet e byrekut dhe e embëlsirave. Torta më e bukur dhe domëthënëse”,ka thënë Basha.
Ai po ashtu ka thënë se në 25 prill ndryshimi e ka një emër dhe ajo është Partia Demokratike. Basha ka kërkuar një mundësi që me vizionin dhe aftësinë e tij të jetë në krah të njerëzve të thjeshtë dhe sipërmarrjes.
“Ndryshimi më 25 prill ka një numër dhe një emër, është numri 9, është Partia Demokratike dhe koalicioni për ndryshim. Unë ju ftoj ta votoni atë, të votoni programin tonë dhe do t’ju ndihmojë ju dhe familjet tuaja sepse duke votuar numrin 9, duke votuar Partinë Demokratike dhe Aleancën për Ndryshim keni votuar për familjet tuja, për fëmijët tuaj, për prindërit tuaj, për të ardhmen tuaj, për një ekonomi që rritet, për një turizëm që konkurron denjësisht me turizmin e vendeve të tjera fqinje. Pra, për mundësinë që të ndërtojmë këtu, në vendin tonë një jetë të mirë, me vende pune, me paga të mira me standarde europiane jete. Ja ku e keni, ky është një realitet europian. E tillë ka mundësi të jetë e gjithë Shqipëria. Na jepni këtë mundësi, ma jepni këtë mundësi dhe unë zotohem se do të bëj gjithçka me vizionin, formimin, aftësitë e mia dhe të ekipit tim që këtë standard që e arriti një njeri i vetëm duke pasur qeverinë kundër nesër me qeverinë në krah të sipërmarrjes, me qeverinë në krah të njerëzve të thjeshtë ta bëjmë standard anë e mbanë Tiranës, anë e mbanë Shqipërisë. Kështu që të dielën me 25 prill ju ftoj të gjithë bashkë në kutitë e votimit, numrin 9 për ndryshim”, deklaroi Basha.
