Kreu i Partisë Demokratike, Lulzim Basha ka ndarë në Twitter një pjesë të fjalës së tij nga konferenca e ditës së djeshme me gazetarët. Në videon e publikuar, Basha thotë se ka ardhur koha që politika të pastrohet nga llumi i tranzicionit dhe nga njerëzit që këto 30 vjet kanë përdorur politikën për t’u pasuruar.
Kryedemokrati thotë se më e keqja është se këta persona kanë futur në politikë edhe krimin e organizuar dhe kanë shkatërruar konkurrencën në treg, që është themeli i zhvillimit të ekonomisë dhe punësimit, duke fuqizuar një grusht njerëzish
Pjesa nga fjala e Bashës:
Është interesi i të gjithë shqiptarëve, i socialistëve dhe i demokratëve të thjeshtë, që politika të pastrohet nga llumi i tranzicionit, nga njerëz që këto 30 vjet pavarësisht siglës politike që kanë mbajtur, nganjëherë e kanë ndërruar, nganjëherë kanë dalë me sigla të reja, kanë përdorur politikën për tu pasuruar paligjshmërisht dhe ç’është më e keqja, kanë futur në politikë llumin e shoqërisë, krimin e organizuar. Kanë shkatërruar konkurrencën në treg që është themeli i zhvillimit të ekonomisë dhe punësimit, duke fuqizuar një grusht njerëzish, vetëm e vetëm sepse ndajnë me ta favore, privilegje, pushtet dhe para, në kurriz të qindra-mijëra sipërmarrësve të ndershëm.
Pastrimi i politikës nga krimi dhe korrupsioni është interesi i të gjithë shqiptarëve 🇦🇱 pic.twitter.com/gkdRoz52rK
— Lulzim Basha (@lulzimbasha_al) October 21, 2021
