Kreu i PD, Lulzim Basha ka mbajtur fjalimin e tij në hapjen e fushatës së demokratëve në sheshin “Nënë Tereza”. Basha ka përshëndetur të pranishmit në fjalën e tij hyrëse, teksa ka thënë se duhen vetëm 31 ditë për të nisur rrugën e ndryshimit. Kryedemokrati deklaroi se ata që na qeverisin tani punojnë për veten e ortakët dhe po zhvasin pasuritë e kombit. Ai u shpreh se shqiptarët meritojnë më shumë dhe se ata janë sot aty për t’ua bërë këtë gjë të qartë.
Pjesë nga fjala e Bashës:
Mirmbrëma Shqipëri, përshëndetje ju motra dhe vëllezër që keni mbushur këtë shesh. Ju motra e vëllezër kudo ndodheni, në këtë mbrëmje hyjnore të bashkimit për ndryshim, me të cilin do të fitojë Shqipëria e çdo shqiptar.
Mirmbrëma kandidatëve të PD, aleatëve tanë të koalicionit, ekipit tonë të fitores dhe ndryshimit për çdo shqiptar.
Edhe 31 ditë, vetëm 31 ditë për të nisur zbatimin e rrugës së ndryshimit, të punësimit, zhvillimit, mirëqënies, dhe integrimit në familjen europiane.
Jam mes jush, sepse ju keni marrë nëj vendim të rëndësishëm. T’i japim fund tranzicionit shqiptar, e të hapim një faqe të re të historisë moderne e europiane të Shqipërisë. Të munëdësojmë që më të mirët e të ndershmit të drejtojnë Shqipërinë. Ka nevojë më shumë se kurrë për punë, nder dhe ndryshim rrënjësor.
Sepse ne sot, më shumë se kurrë duhet të mbrojmë e vendosim krenarinë të kahershme kombëtare si shqiptarë. Duhet të ndalojmë një orë e më parë këtë varfërim e zbrazje që po i ndodh shqipërisë. Nënat s’duhet të kërrusen më nga ikja e fëmijëve. Sepse Shqipëria gjithmonë ka qenë kryelartë në shekujt e trazirave të saj. Të ndalim dorën e atij që zhvat pasuritë e kombit, mendjen e errët që kërkon të mbjelël frikën në zemrat e bashkëatdhetarëve.
…
Ata nuk na qeverisin, por i shërbejnë vetes e ortakëve që po rrëmbejnë nëpërmjet akteve grabitqare gjithçka ka ky vend. Ne po zhvillojmë edhe një betejë tjetër, brenda vetes. Unë e di se pas 8 vitesh zhgënjime e mashtrime shumëkujt i ka humbur besimin. Për të gjithë ata që mendojnë, a është kjo ajo që meritojmë? A është varfëria ajo që meritojmë? A është mungesa e punëve, papunësia dhe mjerimi? Largimi nga sytë këmbët e rinisë, këtij populli të talentuar, a është ky fati i shkruar për secilin prej nesh? Jo, nuk ka gënjeshtër më të madhe se kjo. Ky vend meriton më shumë, shqiptarët meritojnë më shumë. Prandaj ne jemi sot këtu që t’jua bëjmë të qartë, ne shqiptarët meritojmë më shumë, mundemi të bëjmë më shumë, dhe do të bëjmë shumë më shumë.
