Pas zhvillimeve të fundit dinamike në Partinë Demokratike ka nisur ka nisur çmontimi i dyerve të blinduara të selisë.
Nga pamjet shihet se si disa persona po punojnë për të hequr armaturat metalike nga dyert kryesore të selisë. Kjo masë, ishte paralajmëruar më herët nga Komisioni i Rithemelimit, që dje, pas vendimit të gjyqtarit Agron Zhukri mësynë drejt selisë blu.
Gjithashtu, kjo strukturë ka thënë se tanimë, PD do i nënshtrohet një rikonstruksioni tërësor.
Kujtojmë që në Kuvendin e thërritur më 30 prill, pritet të zgjidhen anëtarët e rinj të kryesisë dhe këshillit kombëtar, e më pas, do të hapet edhe gara për kryetarin e ri të Partisë Demokratike.
Theksojmë se ditën e djeshme Gjykata e Tiranës ka miratuar kërkesën e grupit të Rithemelimit të Partisë Demokratike për të regjistruar ndryshimet statutore të miratuara në Kuvendin e mbajtur në 11 dhjetor të vitit të kaluar.
Ky vendimi i gjykatës legjitimon Komisionin e Rithemelimit dhe Kuvendin e datës 11 dhjetor të thirrur nga ish-kryeministri Sali Berisha.
Drejtimin zyrtar të kësaj force politike e ka Komisioni i Rithemelimit, i përbërë nga më shumë se 20 anëtarë.
Po ashtu sipas Gjykatës së Tiranës, do të njihet dhe logoja e re e PD-së, ndërsa duke iu referuar Kuvendit të 11 Dhjetorit, të gjitha strukturat aktuale të PD-së së drejtuar deri pak ditë më parë nga Lulzim Basha, kanë rënë.
